ცხრათვიანი კონტრაქტი

უსახლკარო, მარტოხელა დედა ჟანა სუროგატი ხდება, რათა თავისი ქალიშვილისთვის, ელენესთვის, მეტნაკლებად დაცული ცხოვრება უზრუნველყოს. თუმცა, დედა-შვილის ღარიბი ყოფა მაინც განსაცდელად რჩება. ამ სფეროში, არარსებული რეგულაციების პირობებში ჟანა საკუთარ სხეულს არ ზოგავს და უკიდურეს გამოცდას უწყობს. ამასობაში ელენე იზრდება და უკვე რისკებსაც აცნობიერებს. დგება დღე როცა ელენე დედის არჩევანს უპირისპირდება. ფილმის რეჟისორისა და გმირების ათწლიანი მეგობრობა, საშუალებას გვაძლევს დედა-შვილის ურთიერთობის უმნიშვნელო ნიუანსიც არ გამოგვრჩეს და ავტორთან ერთად ვეძებოთ პასუხი კითხვაზე - მაინც სად გადის დედობრივი თავგანწირვის ზღვარი?!